RTI Act hmanga zawhna department in an chhan danin Central Sponsore Scheme (CSS) hmanga sak, Siaha Nursing School hi august ni 24, 2012 khan thawh ṭan niin, august ni 24, 2014 kha zawh hun tura tih a ni chungin, kum khat dang hun pek belh a ni leh na a, vawiin thlengin luah theih tura peih fel a la niloh thu tarlan a ni.

He hna hmutu contractor hi Lalparmawia, Chanmari, Aizawl niin ₹. 310,68,885 hnathawhna bill pek tawh a ni a, contractor hming hawh hian midangin an thawk nia hriat a ni. 

Luah theih a la niloh chhan nia department sawi dan chuan, thil man sang (price escalation) vangin hnathawktute hian pawisa an dil belh (revised) a; mahse contract inremna ah revised phalloh a nih avangin tun thlengin department chuan an la luah theilo a ni.